Bitxi apaingarien tailerra Larraungo Mintzakidek antolatuta
Ekainaren 4ean, taldetxo bat elkartu ginen Larraungo AEKn apaingarriak egiten ikasteko. Mintzakideko batzuk, ikasleren bat eta herrikoren bat ere animatu da ikastaroan parte hartzera. Batez ere kafe kapsulak erabili ditugu, brotxe eta diademak egiten ikasteko. Oihana Goigana izan dugu irakasle.
Oso gustora egon gara, horregatik, hurrengo asteartean, ekainak 11, goizeko 11etan berriro elkartuko gara. Nahi duzuenentzat ateak zabalik daude, izena emateko 948 60 47 04 telefonora deitu.
http://larraungomintzakide.blogspot.com.es/
Lan mundua euskalduntzeko Konferentzia, Kontseiluak antolatuta
Iturria: Kontseilua.org
Euskararen Gizarte Erakundeen KONTSEILUAk ekainaren 13an Arrasaten antolatu duen konferentziaren behin betiko egitaraua aurkeztu du.
Lan munduaren euskalduntzean zeresana duten lau aktore nagusiek izango dute zeinek bere ekarpena egiteko aukera. Kontseiluko idazkari nagusi Paul Bilbaok adierazi bezala: "Lan munduaren euskalduntzean zeresana duten aktore garrantzitsuak badira, eta Konferentziaren bidez ordezkari horiek bildu eta horri buruz hizketan jarri nahi ditugu".
XAPO aldizkariaren 12. zenbakia kalean da
Goizuetako Kultur Taldeak eta Euskara Mankomunitateko euskara zerbitzuak urtean behin argitaratzen dute Xapo aldizkaria. Euskara, kultura, Goizueta eta Goizuetako herrigintza lantzen ditu aldizkariak, eta herriko etxe guztietan banatzen da.
2013ko zenbakiak hainbat jakingarri jaso ditu, ohiko ataletan nahiz zenbaki honetarako bereziki sortutako lanetan. Aldizkaria webgune honetan bertan (www.iparmank.org) eskura daiteke, pdf formatuan, argitalpenak atalean.
Nafarroako euskaltegi publikoetan ere, murrizketak
Berria. Ereiaro
Mikel Peruarena Ansa
Nafarroako euskaltegi publikoetan ere, murrizketak
Langile publikoei euskara ikasteko laguntzak eta ordaindutako baimenak gutxitzen ari da Nafarroako Gobernua. Ordezkapenak egiteko diru funtsak murrizten ari denez, euskara ikasteko baimenak hartzeko aukerak urritu dizkie langileei; salatu dute euskara ikasteko baimen eskaerak ukatzen ari dela gobernua. Euskarabidea arduratzen da langile publikoak euskaratzeko ikastaroez, eta ikasleen kopurua «nabarmen» jaitsi dela ziurtatu dute hango langileek. Baina Nafarroako Gobernuaren beste euskaltegi publikoan ere, Zubiarten, nabaritu dituzte murrizketak. «Matrikulazioak eten gabe egin du gora» Zubiarten, langileen esanetan, 2002an sortu zenetik. Lau langile kaleratu nahi dituzte, ordea.
Ireki da Leitzako udako Tailerretan eta Haur Txokoan izena emateko epea
Euskara Mankomunitateak, Leitzako Udalak eta eskualdeko Gizarte Zerbitzuen Mankomunitateak urtero antolatzen dituzte, uztailean zehar, haurrentzako Haur Txokoa eta Tailerrak. Haur Hezkuntzako eta Lehen Hezkuntzako haurrek eman dezakete izena, eta astebeteko 4 txanda antolatzen dira. Jardueren kudeaketa Dindaia fundazioak egiten du, eta bertako begiraleak arduratzen dira ekintzak planifikatu eta gauzatzeaz.
Izena emateko epea maiatzaren 31n ireki zen, ekainaren 7an bukatuko da, eta 012 zenbakira deitu behar da horretarako. Izen-ematearen inguruko argibideak eta jarraibideak euskara zerbitzuan, gizarte zerbitzuan edo Leitzako udaletxean eska daitezke.
Euskarari «aire berria» eman nahi diote Uema Egunean
Euskarari arnasten jarraitzen laguntzeko, Uema Eguna ospatuko dute ekainaren 8an, Aramaion
Irati Sarasua Arabaolaza Donostia
Goizuetan (Nafarroa) egin zuten iaz Uema Eguna. / JON URBE / ARGAZKI PRESS
«Aire berria eskaini nahi diogu euskarari». Aldarri hori oinarri hartuta antolatu dute aurtengo Udalerri Euskaldunen Mankomunitatearen Eguna. Aire berria euskarari! lelopean, ekainaren 8an, Aramaio (Araba) izango da euskaldunen elkargune, Uema Egunean. «Arnasguneek airea behar dute bizitzeko, aire berria», esan dute Uemako kideek. XXI. mendean «oraindik» euskarak duen egoera ikusita, «hizkuntzak geroan duen garrantzia aitortu» eta bide horretan lagundu behar dute herritarrek eta erakundeek, Uemako lehendakari Maren Belastegik atzo egindako aurkezpenean adierazi zuenez.
Maiatzean eta ekainean Bai Euskarari Ziurtagiriak ebaluatu eta berrituko dira Leitzan, Areson eta Goizuetan
Urtero egiten duen bezala, Bai Euskarari Ziurtagiriaren Elkarteak eskualdean ziurtagirien ebaluazioa eginen du. Elkarteko teknikari bat Leitzan, Goizuetan eta Areson ziurtagiria dutenekin elkartuko da, urteko ebaluazioa eginen dute, eta Elkarteak oniritzia eman eta ziurtagiriduna ados egonez gero, ziurtagiria berrituko dute
Imotz, Basaburua Nagusia, Larraun eta Araitz-Beteluko hizkeren inguruko liburua argitaratu da.
Euskaltzaindiak eta Nafarroako Gobernuak argitaratuta, MENDAUR bildumaren barruan Nafarroako ipar-mendebaldeko hizkeren egitura geolinguistikoa liiburua argitaratu da. Liburua Amaia Apalauza Ollok idatzi du, EHUko unibertsitatean aurkeztu zuen tesi-lanean oinarrituta
