Euskarazko telebistentzat aukera berri bat ireki da Nafarroan
(Iturria: Berria.info)
Adrian Garcia
Leiho berri bat zabaldu da Nafarroan euskarazko telebistentzat. ETB lurreko telebista digitalaren bidez oraindik ikusi ezin badaiteke ere, Nafarroako Gobernuak euskara kontuan hartzen duten hiru proiekturi bost lizentzia banatu dizkie: Hamaika telebistari Iruñerrirako lizentzia bat, eta Nafarroa osorako eta Iruñerrirako bina lizentzia Xaloa elkarteari eta Abian Komunikazioari.
Estatuko abokatuak helegitea jarri du Zestoako Udalak kontratazioetan hizkuntza irizpideak sartzeko hartutako erabakiaren aurka
(Iturria: uema.org)
Zestoako Udalak martxoaren 26an hartu zuen Osoko bilkuran, aho batez, kontratazioetan hizkuntza irizpideak sartzeko erabakia. Erabaki horrek jendaurrean egoteko epea igarota, Gobernu Ordezkaritzatik Carlos Urquijoren ofizio bat jaso zuen, Udalari epealdi horretan errekurtsorik jaso ez zutela egiaztatzen zuen agiria bidaltzeko eskatuz.
Euskararen normalizazioaren diagnostikoa konpartitzeko 7 batzar egin dira Nafarroa osoan
(Iturria: Kontseilua.org)
Nafarroan euskararen normalizazioak dituen zailtasunek kezkaturik, Kontseiluko bazkideak diren AEK, EHE, IKA, Ikastolen Elkartea, Sortzen-Ikasbatuaz eta Topagunea erakundeek 2013ko lehen 6 hileko honetan aurreko urtean zehar aurrera eramandako eztabaida Nafarroako euskalgintzako eragile ezberdinekin konpartitu dute
Leitzan 57 haur parte hartzen ari dira Haur Txokoan eta Udako Tailerretan, astelehenaz geroztik
Aurreko urteotan hasitako bideari jarraituz, aurten ere Haur Txokoa eta Udako Tailerrak antolatu dituzte Leitzan Euskara Mankomunitateak, Gizarte Zerbitzuen Mankomunitateak eta Leitzako Udalak. 57 haurrek eman dute izena aurten, astebeteko lau txandatan banatuta. Jarduerak uztailaren 1ean hasi ziren, astelehenean, eta uztailaren 26an bukatuko dira.
Eskualdeko entitateek Bai Euskarari Saria jaso zuten Durangon egindako ekitaldian
Ekainaren 28an Bai Euskarari Ziurtagiria Elkarteak 2013. urteko Bai Euskarari Sariak banatu zituen. Aurten, lehendabiziko aldiz, sari kolektibo bat eman da, eta gure eskualdean Ziurtagiria duten 44 entitateek jaso dute. Horien guztien izenean Goizuetako Umore Ona Elkarteko ordezkari Juan Inazio Loiartek eta Leitzako Kultur Taldeko Juan Mari Barriolak hartu zuten saria, Durangoko Plateruenean egindako ekitaldian.
Maite Mutuberria eta Leire Bilbaoren Gerrak ez du izenik albumak irabazi du 2013ko Etxepare Saria
Haurrentzako album ilustratuen Etxepare Saria Nafarroako hainbat toki-entitateek antolatu eta finantziatzen dute, eta tartean da Nafarroako Iparraldeko Euskara Mankomunitatea ere. 2004an sortu zen saria, 9 urteko ibilbidean zenbait ezaugarri aldatu dira, eta gaur egun euskarazko album ilustratuak saritzeko deialdia da.
Aurten Etxepare sarian inoiz baino lan gehiago aurkeztu dira, 31 hain zuzen ere, eta Maite Mutuberriak (Eltzaburu -Nafarroa- 1985) eta Leire Bilbaok (Ondarroa -Bizkaia-, 1978) aurkeztutako Gerrak ez du izenik albuma izan da 2013ko irabazlea.
Bai Euskarari Ziurtagiria Elkartearen 2013ko sarietako bat gure eskualdeko ziurtagiridunei
Leitza, Goizueta, Areso eta Arano eskualdean Bai Euskarari Ziurtagiria duten entitateek jasoko dute 2013ko Bai Euskarari Sarietako bat. Horren bitartez, Bai Euskarari Ziurtagiriaren Elkarteak gure eskualdean Bai Euskarari Ziurtagiria daukaten ostalari, merkatari, elkarte nahiz enpresen ahalegina aitortu eta saritu nahi izan ditu.
Buah Txabal!
Eguna: 2013/06/28, ostirala
Ordua: 19:00
Lekua: Larraintzarko igerilekuetan.
Garikoitz Kortabitarte “Beti”, 20 urte bueltako gazte bat da. Ezizena beti lokalean sartuta egotetik datorkio. Bart, salbuespen moduan, herrira atera da parrandara eta tragedia bat gertatu zaio: mugikorra galdu du. Zergatik da, ordea, mugikorra galtzea halako tragedia? Garikoitzek horren zergatia kontatzen digun bitartean, gazte horrek euskararekin duen harreman gatazkatsua, bere izaera xelebrea eta lokaletako gazteen gaineko topikoen parodia estremo baten lekuko egingo gaitu
Egilea: Unai Iturriaga
Aktoreak: Jon Zubiaga
