Arnasguneen inguruko tailerra Goizuetan, urriaren 8an eta 23an, UEMAk, Goizuetako Kultur taldeak eta euskara zerbitzuak antolatuta
Goizuetako kultur taldeak, euskara zerbitzuak eta UEMAk Arnasguneen inguruko tailerra antolatu dute. Euskararen arnasguneen inguruko gogoeta eginen da bertan, Goizuetako egoerari erreparatuko zaio bereziki, eta arnasgune gisa sendotzeko eta aurrera egiteko bideak eta baliabideak landuko dira.
Euskara teknikarien ordezkapenak egiteko kontratazio-zerrenda osatzeko deialdia
Nafarroako hainbat udal eta mankomunitatek lan-poltsa osatzea adostu zuten hitzarmen baten bidez, beharrezko gertatzen denean euskara teknikarien ordezkapenak egiteko. 2013ko irailaren 27ko Nafarroako Aldizkari Ofizialean lan-poltsa hori berritzeko deialdia argitaratu da. Bertan jaso dira deialdiaren inguruko xehetasun guztiak. Lotura honetan ikus daiteke:
Euskara teknikarien lan-poltsa
Zarautz auzitara, hizkuntz irizpideengatik
Ainara Arratibel Gascon. BERRIA (2013-09-25)
Estatuaren abokatuak helegitea jarri du euskarari lehentasuna emateko hartutako neurrien kontra
Espainiako Estatuaren abokatuak Zarauzko Udalaren kontra egin du, euskarari lehentasuna emateko onartutako hizkuntza irizpideen ondorioz. Irailaren 5ean egin zuen. Hain zuzen, atzo hasi zen Zarauzko Udala herritarrekin harremana euskara hutsean izaten.
TopaEguna irailaren 28an Soraluzen
Irailaren 28an Soraluzen ospatuko den TopaEguna aurkeztu dute Donostian Soraluzeko Pil-Pilean euskara elkarteak eta Euskaltzaleen Topaguneak
Gure herriotan, “txio” edo “pio”?
Zein hizkuntza erabiltzen dugu twitterren ari garenean? “Txio” egiten dugu? Edo “pio” da gurea? Ez dugu guk geuk horren gaineko azterketa zorrotzik, baina bada sarean gisako neurketak egiten hasi dena. Honako helbide honetan (http://gisngeo.com/gmaps/twitter/mapseusk.php), Euskal Herrian twitter bidez egiten diren txioen neurketa bat agertzen da. Une jakin bateko neurketa da, baina nolabaiteko argazkia ere bada, eta irudi bat osatzen hasteko balio lezake. Gure eskualdeko herri batzuk ere agertzen dira, lagina oso txikia den arren: Goizueta, Leitza, Betelu, Lekunberri, Alli eta Astitz, hain zuzen ere.
Mintzakiden izena emateko epea zabalik
Larraungo AEK Euskaltegiak kudeatuta, Mintzakide egitasmoan izena emateko epea zabalik da.
Horretarako honakoa telefono hauetara hots egin dezakezu: 948 604704 edo 948 504400
Osasunbideari arduraz jokatu eta hartutako konpromisoak betetzeko eskatu dio UEMAk
(Iturria: www.uema.org)
Bederatzi hilabete igaroko dira UEMAk eta Osasunbideak bilera egin zutenetik. Bilerako gaia, nola ez, Osasunbidea euskalduntzearen ingurukoa zen. Zehazki, eremu euskalduneko osasun zerbitzuetako lanpostuei ezarritako hizkuntz perfilek herritarrak euskaraz artatzerik bermatzen ez dutela-eta eskatu zion UEMAk bilera Osasunbideari.
Epaileak Hendaiako ikastolaren aurka egin du eraikuntza xedea atzera botata
Aitor Renteria. Baiona. BERRIA
Herriko etxeak bertan behera utzi beharko du Seaskaren ikastola eraikitzeko deliberoa, eta ezingo du lanik egin
Paueko auzitegiak ontzat jo du Lionel Beffre Paueko prefetak ezarritako helegitea, eta Hendaiako Herriko Etxearen deliberoa indargabetu du. Hendaiako Herriko Etxeak ikastola berri bat egitea deliberatu zuen. Estatuaren ordezkaritzak bi aldiz jo du erabaki horren aurka. Herriko etxearen deliberoa legez kanpokoa zela ebatzi zuen prefetak ekainaren 14an, eta auzira jo zuen. Irailaren 12an aztertu zuen kasua Paueko auzitegiak.
