MEDIKU EDO/ ETA PEDIATRA EUSKALDUNA NAHI DUT
Araitzen eta Larraunen pediatra euskalduna eskatzeko kanpaina abiatu da. UEMAk, euskalgintzako beste hainbat erakundeekin elkarlanean, koordinatutako egitasmoa Nafarroako beste udalerri batzuekin batera garatuko dute Araitzek eta Larraunek.
Euskararen eguna Areson
Aresoko kultur astearen barrenean hainbat ekintza antolatu ditu Aresoko pesta batzordeak asteburu honetarako, guztiak ere euskararekin lotuak. Azaroaren 28an, ostiralarekin, “Euskararen kate hautsiak” liburuaren aurkezpena eta “Euskara ospela eta egutera” dokumentala Dabid Anauten eskutik, udaletxeko erabilera anitzeko gelan 19:00etan. Ondoren udaletxeko gela berriaren inauguruazioa eta pintxoak. Eta larunbatean euskararen eguna ospatuko da. Honako da egitaraua:
Egun osoan baserritarrez jantzita ibiliko gara eta ateratako dirua Ziburuko ikastolari laguntzeko izango da.
11:00 Haurrentzat margotzeko txokoa
11:30 Herriko pilotarien arteko pilota partiduak
12:30 Leitzako harri tiratzaileen harri tira erakustaldia
Goizean zehar informazio postua, pintxoak eta musika plazan.
14:00 Bazkaria Pake-Tokin. Prezioa: helduak 20 euro eta haurrak (5-12 urte bitartean) 10 euro. Menua:
-Entsalada mixtoa; haragi zopa; gisadua; limoi musa; kafea eta kopa
Bazkal ondoren Gorka eta Olatz trikitilariak eta eskolako haurren bertsoak
17:30 Berastegiko batukada taldea herrin zehar
19:00 Taloak beheko trinketean
ERRIGORA EKIMENAK BERRIZ ARRAKASTA LORTU DU GURE ESKUALDEAN
Aurten ere ERRIGORA ekimenak arrakasta lortu du gure eskualdean. Iaz bezala aurten ere gure herrietan eskaera asko egin da eta guztira 166 saki banatuko dira gure mankomunitateak biltzen dituen eskualdeetan. Nafarroako euskalgintzari laguntzeko ekimena da ERRIGORA, Euskal Herri osoan antolatzen dena, eta aurten ere, iaz bezala,
emaitza bikaina lortu du. Aurtengo edizioaren inguruko informazio xeheagoa helbide honetan jaso daiteke:
Errigora
MINTZAKIDE egitasmoa martxan da Larraunen eta Araitzen
Ikasturte berriarekin batera, Mintzakide egitasmoa martxan da Larraunen eta Araitzen. Dagoeneko 22 lagunek eman dute izena eta bost talde osatu dira. Zuk ere euskaraz aritzeko eta hizkuntza horretan gaitasuna hobetzeko gogoa baduzu orain duzu aukera, eman izena: ane-g.m@aek.org posta helbide elektronikoan edo 655 729879 telefono zenbakira deituta.
EUSKALTEGIETAKO MATRIKULA DATUAK
Ikasturte berria martxan da eta gure eskualdeko euskaltegietan 89 ikaslek eman dute izena. Pasa den ikasturtearekin alderatuta igoera txiki bat izan dela esan beharra dago, iaz, 82 ikasle ibili baitziren. Guztira 12 talde osatu dira eta autoikaskuntzan 13 ikasle ari dira.
Leire Salaberriaren Hiltzaileak liburua aurkeztu dute egileak, Etxepare sariaren antolatzaileek eta Pamiela argitaletxeak
Leire Salaberriak irabazi du 2014ko Etxepare saria, haurrentzako euskarazko album ilustratuak saritzen dituena. 23 lan aurkeztu ziren aurten eta Hiltzaileak izenekoa hautatu zuen epai-mahaiak. Liburua Pamiela argitaletxeak argitaratu du eta gaur aurkeztu da Uharteko Arte Garaikide Museoan egindako ekitaldi batean. Sariaren antolatzaileak Nafarroako hainbati toki-entitate dira, tartean Nafarroako Iparraldeko Euskara Mankomunitatea.
Azaroaren 1ean hasi da Goizuetan Azaro Kulturala
Azaroa kultur ekitaldiz ederki hornitua etortzen da urtero Goizuetara, eta hala izanen da aurten ere, 1etik aurrerra eginen baita Azaro Kulturala. Goizuetako kultur taldeak antolatzen du eta ekintzak asteburuetan egiten dira, ostiral eta larunbatetan gehienak, baina baita iganderen batean ere.
Egitarauan denetik ikus daiteke: hitzaldiak, musika, antzerkia, bideoak... Herriko kontuak eta baita urrutikoak ere. Hauxe da programazioa, oso-osorik:
Belastegi: “Berastegiko udalaren aurkako eraso hau UEMAren aurkako ere bada”
Iturria: www.uema.eus
Berastegiko Udalak UEMAn sartzeko hartutako erabakiari helegitea jarri dio estatuko EAEn duen ordezkariak. Berastegiko alkatearekin batera hedabideen aurrera agertu dira UEMAren Zuzendaritza Batzordeko hainbat kide. UEMAk, bat eginda, babestu du Berastegiko Udala. Agerraldian hainbat alderditako ordezkarik parte hartu dute; EHBildukoak, EAJkoak eta Independienteak.
