Eremu euskalduna, makaltzen
Garikoitz Goikoetxea
iturria: www.berria.eus
Euskaraz dakitenen kopurua igotzen ari da Nafarroan, batez ere ahulen dagoen tokietan.
Erabilerak ez du bide bera egin: jaisten ari da.
Ezagutza eta erabilera apaldu egin dira lekurik euskaldunenetan
Motelaldian sartu ote den, euskararen garapenari buruzko gogoetetan susmo hori agertu da Nafarroan azken urteetan. Mantsotzea badagoela baieztatu du mapa soziolinguistikoak. Herrialde osoko zenbakiei erreparatuta, goraldian jarraitzen du ezagutzak: gero eta jende gehiagok daki euskaraz Nafarroan. Erabilera, aldiz, apaltzen ari da: orain dela hogei urte baino gutxiago egiten da euskaraz Nafarroako etxeetan. Beste herrialde batzuetan agertutako gaitza azaldu du Nafarroako mapa soziolinguistikoak ere: eremu erdaldunetan ari da lekua irabazten euskara etengabe, baina atzeraka hasia da herri euskaldunetan. Galera nabarmenak dira kasu batzuetan: etxeko erabilera bederatzi puntu apaldu da eremu euskaldunean. Hirutik batek egiten du euskaraz.
.../...
Euskarabideak 2011ko mapa soziolinguistikoaren zirriborroa argitaratu du
Euskarabideak 2011ko mapa soziolinguistikoa argitaratu du. Populazioaren gaineko azkeneko zentsua 2011. urtean egin zen, eta hortik ateratako datuekin osatu da txostena. Hizkuntza gaitasuna, lehen hizkuntza eta etxeko hizkuntza dira azterketa osatzeko erabili diren aldagai nagusiak, eta 1991 eta 2001 urteko datuekin alderatzen dira datuok. Txostena gaztelania hutsean dago, eta Euskarabidearen webgunean kontsulta daiteke, helbide honetan:
2011ko mapa soziolinguistikoaren zirriborroa
Aresoarrek 1.002 euro bildu dituzte Ziburuko ikastolarentzat
Ziburuko ikastolak bizi duen goera makurrak elkartasun mugimendu indartsua eragin du Euskal Herrian. Mugimendu horren uhinak Aresora ere iritsi dira eta aresoarrek Seaskaren eta Kaskarotenearen aldeko diru bilketa egin dute. Bilketan 1.002 euro jaso dituzte, herritarren elkartasunaren eta eskuzabaltasunaren erakusgarri.
Uztaritzeko Herriko Etxeak euskara ofizial egiteko erabakia atzera bota du Paueko administrazio auzitegiak
Iturria: www.iparraldekohitza.info
Hilaren 13an iragan zen Uztaritzeko Herriko Etxearen aurkako epaiketa, frantsesa baztertzea leporatuta. Argudio hori behin eta berriro entzun zen auzi denboran Paueko Administrazio Auzitegian, baina, funtsean, ez da deus berririk izan herriko etxearen defentsarentzat. «Ez dugu sorpresarik izan», erran zuen orduan Maite Haran Uztaritzeko axuant eta hizkuntz arduradunak. Hain justu, epaiketaren errepikapena izan zen urtarrilaren 13an: abenduaren 16an egin zuten lehen aldiz, eta, prozedura akats bategatik gibelatuta, berriro egin zuten.
.../...
Goizuetako udal artxiboan aurkitutako euskarazko dokumentua Fontes Lingua Vasconum aldizkarian
Gure udaletako artxibategiek informazio eta dokumentazio interesgarri askoa gordetzen dute. Agiri zaharrak gehienetan erdaraz idatzitakoak izaten diren arren, agertzen da tarteka euskarazko aleren bat ere. Euskaraz idatzia da, hain zuzen ere, Goizuetako udal artxibategian agertutako 1840. urteko dokumentua, "Doneztebeko batallonari" buruzkoa. Pilar Untxalok aurkitu zuen Goizuetan, eta Euskara Mankomunitateak Juan Joxe Zubiri irakasle eta ikerlari goizuetarrari eman zion, azter zezan. Azterketa horren emaitza da Fontes Lingua Vasconum aldizkarian argitaratutako artikulu mamitsua, agiriaren hizkuntza azterketa xehea egiten duena.
Aldizkaria laster sarean kontsultatu ahalko da, helbide honetan:
Fontes Lingua Vasconum
Korrikaren ibilbidea eta ordutegia ikus daiteke dagoeneko
Aurtengo Korrika gure eskualdeko hainbat herri zeharkatuko ditu, eta dagoeneko jakin daiteke zein egunetan eta ordutan pasako den bertatik. AEKk Korrika.eus webgunean jarri du ibilbide osoaren inguruko xehetasunak ematen dituen dokumentua. Hemen kontsulta daiteke:
Korrikaren ibilbidea
Udalen euskara planak auzitara eramaten hasi dira Nafarroan
Garikoitz goikoetxea
Iturria: berria.eus
Baztango Udalaren euskara plana salatu du Nafarroako Gobernuak.
Udalean hizkuntz irizpideak jartzea legez kanpokoa dela uste du.
Udal gehiago egon daitezke jomugan
Euskara sustatzeko neurrien aurkako auzibideetan Carlos Urkijok jarri du zeresana azken hilabeteetan, Espainiako Gobernuak EAEn duen ordezkariak: udalak auzitara eraman ditu euskara bultzatzeko neurriak hartu dituztelako. Ez da bakarra, ordea. Nafarroako Gobernua ere hasia da bide bereko neurriak hartzen. Helegiteak jartzen ari da udalen euskara planei, BERRIAk jakin ahal izan duenez. Baztango Udalera, esaterako, jakinarazpen bat bidali du gobernuak, esanez legearen kontrakoak direla euskara sustatzeko hartu dituzten neurriak, eta auzitara joko duela. Helegitean emandako argudioak ikusirik, oso litekeena da beste herri batzuk ere salatzea.
.../...
KORRIKA
19. KORRIKA GURE ESKUALDEAN BARNA IBILIKO DA
Aurten Korrika Urepelen hasiko da, martxoaren 19an hain zuzen, eta gure geografia osoa iparraldetik hegoaldera eta ekialdetik mendebaldera zeharkatu ondoren, Bilbon bukatuko da martxoaren 29an. Gure eskualdetik martxoaren 20an egunez eta 20tik 21erako gauean pasako da. Aurrerago zehaztuko dira orduak.
Eta urtearekin batera hasiak dira 19. Korrikarako prestaketa lanak. Gurean ere ekin diogu Korrika batzordeak osatzeari; aste honetan Lekunberrin eta Leitzan bildu dira, eta heldu den astean Ultzaman. Bi hilabete eskas gelditzen dira motorrak berotzeko eta, beraz, batzordeak buru belarri hasiko dira lanean makinaria hori guztia puntuan jartzeko. Zuen guztion laguntza ezinbestekoa izanen da; horregatik, batzordeetan parte hartu nahi duzuen guztiok telefono hauetara deitu edo helbide hauetara mezua bidali besterik ez duzue.
AEK: 948604704, larraun@aek.org (Lekunberri)
Euskara zerbitzuak: 948510814, laga@iparmank.org (Leitza)
948504400, larbeleareuskaraz@iparmank.org (Lekunberri)
948305134, ezubioa@iparmank.org (Ultzama)
