Euskal hitzak 35 hizkuntzatan, 'Hiztegitxoak.eu'-n
Euskaltzaleen Topaguneak jarri du martxan webgunea. Oinarrizko hiztegia biltzen du, euskaratik beste 35 hizkuntzatara, eta alderantziz. Helburua, hainbat hizkuntzaren hiztunak elkartzea.
Lurralde-antolakuntzak eta hirigintzak hiztunengan duten eragina aztertuko dute
Iturria: www.kontseilua.org
Gipuzkoako Foru Aldundiak, UEMAk, Kontseiluak eta UEUk "Hizkuntza eta Lurraldea. Lurraldea eta Hizkuntza" jardunaldia antolatu dute hazkunde urbanistikoaren eta hizkuntza-aldaketaren arteko harremana aztertzeko helburuarekin. Euskal Herriko kasu batzuk ezagutzeaz gain, Aland Uharteak, Flandria eta Galeseko ordezkariak ere entzuteko aukera izango dugu bertan. Topaketak urtarrilaren 16 eta 17an egingo dira, Donostian, UPV/EHUren Carlos Santamaria zentroan. Matrikula doan da. Izena emateko: www.ueu.org
2014. urteko Etxepare sariaren deialdia egin dute Nafarroako toki-entitateek
Nafarroako hainbat toki-entitateren euskara zerbitzuek antolatzen eta deitzen dute Etxepare saria, tartean gure eskualdekoek. Sariaren kudeaketa, hain zuzen ere, Nafarroako Iparraldeko Euskara Mankomunitateak egiten du, gure eskualdeko udalak biltzen dituen erakundea. Sariaren gaineko xehetasunak jarraian datozen oinarrietan ikus daude jasota:
Administrazioa euskalduntzeko planik ez, eta datuak ematera mugatu da Iribas, Hezkuntza batzordean egindako agerraldian
Iturria: www.uema.org
Nafarroako Gobernuak administrazio publikoko langileei euskara ikasteko eskaintzen dizkien ikastaroak formazio plan orokorraren baitan sartzen direla esanez hasi du Iribasek Hezkuntza batzordean egindako agerraldia. Euskara ikasteko erraztasunak 1988. urtetik ematen direla aipatu du Hezkuntza kontseilariak. Urteotan, parte-hartzea handia izan dela nabarmendu nahi izan du, eta bere esanetan, “ikastaroetan izan diren guztiak boluntarioak izan dira, euskara ezin baita inposatu.”
Marmari aldizkaria kalean da dagoeneko
Abendu aldera argitaratzen da urtero Leitzako Marmari aldizkaria, eta aurten ere halaxe da. Egunotan banatu da Leitzako etxe eta baserri guztietan herria, euskara eta kultura ardatz nagusi gisa hartzen dituen 28 orrialdeko aldizkaria.
2014rako egitasmoa onartu du UEMAk Zumaian egindako Batzar Nagusian
Iturria: www.uema.org
Batzar Nagusiak onartuta Baztan ofizialki UEMAko kide izango da gaurtik. Gainera, 2013ko balorazio positiboa egin eta 2014rako proiektuak zehaztuta itxi du UEMAk urtea. Martxoan amaitutako hausnarketa prozesuan zehaztutako helburua betetzeko urrats garrantzitsuak eman ditu urte honetan Mankomunitateak. 2014an jauzi kualitatiboa eman nahi dutela aipatu dute batzarraren ondotik Zuzendaritzak eman duen prentsaurrekoan. Jarraian prentsa agerraldian esandakoa osorik:
ETB Nafarroan sartzea legez kanpokoa dela dio Nafarroako Gobernuak
Iturria: BERRIA. Adrian Garcia 2013-12-11
ETBk LTDko kanalen "legez kanpoko okupazioa" egiteko asmoa duela salatu du, eta Espainiako Gobernuari "egungo ikus-entzunezko araudia urratzen duten ekintzon" berri eman dio, "legezkotasuna ezartzeko behar diren neurriak" har ditzan. Bihartik aurrera, Iruñerrian ETB ikusgai izango dela iragarri du telebista kateak.
Errigora ekimenak erantzun bikaina izan du eskualdean
Leitza, Goizueta eta Aranon 93 saski, Araitzen eta Larraunen 26 eta Basaburuan eta Ultzaman 31 banatu ditu Errigora ekimenak. Nafarroako Erriberako produktuekin osatutako saskien bitartez, beraz, 7.500 euro bildu dira eta horietako % 25 (1.487,50 €) Nafarroako hegoaldeko euskalgintzarentzat izanen dira.
