www.iparmank.eus webgunea berritu eta eguneratu dugu
Iaz izandako gorabehera tekniko batzuen ondoren webgunea eguneratu beharraz jabetu zen Mankomunitatea. Alderdi teknikoari dagokionez, baita edukiei dagokionez ere. Beraz, webgunea bera berritu egin da, azalean (itxuran) eta mamian.
AEK EUSKALTEGIAN AURREMATRIKULA KANPAINA
AEK Euskaltegiak datorren ikasturterako abiatu duen aurrematrikula kanpaina ekainaren 25ean amaituko da.
Hilabete honetan izena emanez gero eskaintza berezia izanen duzu eta matrikulan %5eko beherapena izanen duzu.
#liburuklika udako kanpaina, irakurri eta elkarbanatu
Nafarroako hainbat Entitatek, tartean Nafarroako Iparraldeko Euskara Mankomunitateak, Liburu-klika udako kanpaina abiatu dute. Besteak beste, proposamenaren xede nagusia, euskaraz irakurtzeko ohitura eta zaletasuna zabaltzea eta gazte zein helduek egunerokoan ohikoak dituzten komunikazio-kanalak euskarazko irakurzaletasunaren mesedetan erabiltzea dira.
2021eko Haur Txokoa eta tailerrak Leitzan. Izen ematea.
Iazko etenaren ondoren, Gizarte Zerbitzuen Mankomunitateak, Euskara Mankomunitateak eta Leitzako Udalak antolatuta, aurten berriz eginen dira Udako Tailerrak eta Haur Txokoa. Eskuorrian ikus daiteke izen-ematea noiz eta nola egin behar den, baita jardueraren inguruko bestelako xehetasunak ere.
Plaza kopuruarekin arazoren bat izanez gero, 012an jasotako deien ordena izanen da kontuan.
ARGIBIDE-FITXA HEMEN:
https://labur.eus/argibide-fitxa
IZEN EMATEA HEMEN:
https://labur.eus/tailerrak-haur-txokoa
Jijaua: Lagunarteko hizkera kolokiala sustatzeko gunea
Euskara kolokial estandarraren hutsunea betetzen laguntzera iritsi da JIJAUA: lagunarteko euskara batua.
www.elaide.eus
Haurrentzako album ilustratuak sortzeko 2021. urteko Etxepare Saria martxan da
Nafarroako Toki Entitateetako Euskara Zerbitzuak 2004. urtean hasi ziren Etxepare Saria antolatzen, haurrentzako album ilustratuak sortzeko helburuarekin. Saria 5.000 eurokoa izanen da eta saritutako lana Pamiela argitaletxeak argitaratuko du.
Lanak euskaraz idatziak, jatorrizkoak eta argitaratu gabeak izango dira eta banaka edo taldeka aurkeztu daitezke. Lanak aurkezteko azken eguna 2021eko maiatzaren 7a izanen da eta honako helbide honetara bidali beharko dira:
ETXEPARE SARIA
Leitzako udala- Euskara zerbitzua
Elbarren, 1
31880- Leitza ( Nafarroa)
Oinarriak ikusteko: www.etxeparesaria.eus
Euskarazko Produktuen KATALOGOA kalean da
Euskarazko Produktuen Katalogoaren edizio berria paperean eta interneten, haur eta gazteentzako milaka produkturekin. Web- orriak, katalogoa.eus, ia 11.000 produkturen erreferentziak jasotzen ditu eta paperean 70.000 ale kaleratu dira.
UEMAren Berripapera
UEMAk urtean bitan argitaratzen du bere Berripapera. Izenak dioen bezala paperean izaten da, baina, aurten, COVD-19aren pandemia dela-eta, ekaineko zenbakia soilik euskarri digitalean argitaratu du.
2020ko lehendabiziko zenbaki honetan Bertatik Bertara kanpainaren berri eman du, UEMA online eskaintzen hasi den ikastaroak azaldu ditu, ETBn euskaraz aritzeko hizkuntza irizpideen inguruko argibideak jaso ditu, eta zenabit albiste ere ekarri ditu.
Egunotan jarri du Berripapera denon eskura UEMAk, eta hemen kontsultatu daiteke oso-osorik.
