Amazabal Institutuko Naiara Juanikorena leitzarrak irabazi du Arnasetik bideosormen lehiaketako sarietako bat
Arnasa gara egitasmoaren baitan, Arnasetik bideosormen lehiaketa antolatu du UEMAk aurten. Arnasa gara 2019an abiatu zuten elkarlanean UEMAk, Nafarroako Gobernuak eta Eusko Jaurlaritzak, euskararen arnasguneak hizkuntzaren bizitasunerako duten garrantzia jendarteratzeko.
Helburu horrekin, beraz, Arnasetik egitasmoak UEMAko herrietako gaztetxoen parte-hartzea sustatu nahi izan du. 99 lan aurkeztu dira lehiaketan eta gure eskualdean egindako batek, hain zuzen ere, irabazi du lehendabiziko saria DBH 1 eta 2 mailetako kategorian, Idiazabalgo ikasle batekin berdinduta.
Naiara Juanikorena leitzarraren bideoak Ni naiz ni du izena, eta hemen ikus daiteke egin duen lana.
Euskaraldiko izen-ematea aurrera doa
Euskaraldiak III. edizioa du aurten, eta gutxi falta da aurtengo ekitaldia abiatzeko. Azaroaren 18tik abenduaren 2ra izanen da, eta dagoeneko motorrak berotzen ari dira. Aurtengo edizioan, aurreko bietan bezala, norbanakoek ahobizi edo belarriprest izateko aukera izanen dute. Horretaz gain, entitateek ere izan dute parte hartzeko aukera, beren burua arigune izendatuz, 2020ko Euskaraldian egin zen moduan.
KIRATSA albuma, Etxepare Saria 2022
Aurtengo ekainaren 27an iragarri zen 2022ko Etxepare sariaren irabazlea Chundarata liburu dendan (Iruña). Eider Pérez Adeletxek eta Iban Illarramendik eskuratu zuten saria KIRATSA obrarekin, lehiaketan parte hartu zuten 35 lanen artetik; eta, orain, Pamiela argitaletxeak argitaratu du.
Hizkuntzen kale erabileraren neurketa. Lekunberri 2021
Pasa den irailaren 28an aurkeztu zuen Soziolinguistika Klusterrak Lekunberriko kaleetan egindako neurketaren emaitzen txostena
Badator EUSKARALDIA!
2022ko azaroaren 18tik abenduaren 2ra ilusioz, arduraz, gogoz eta emozioz ekingo diogu ariketari. Kaleak beteko ditugu berriz ere, euskaraz hitz egitea inoiz baino errazago izan dadin. Belarriprestok eta ahobiziok aukera berriak izan ditzagun lan egingo dugu elkarrekin, auzoz auzo, herriz herri eta arigunez arigune. Hitzez ekiteko garaia heldu da.
MINTZAKIDEn parte hartu nahi duzu?
Dagoeneko zabalik da Ultzama-Larraungo Mintzakiden izena emateko epea eta hemen egin dezakezu:
https://praktikatu.eus/blog/ultzamalarraun/
larraun@aek.eus
LARUNBLAIn izena emateko epea zabalik
Nafarroako beste hainbat herrietan bezala, Larraunen eta Lekunberrin burutzen den asteburuetako aisialdi jarduera honetan izena emateko epea irailaren 15etik 30era egonen da zabalik.
“Eta eskolatik kanpo, zer?” Nafarroako hainbat toki entitatetako euskara zerbitzuen kanpaina berria
Ekimen berri hau ikasturte hasierarekin batera dator, eta seme-alabak D ereduan matrikulatu dituzten familiei zuzendua dago. Helburua da familia horiei oroitaraztea, haurrak euskarazko ereduan eskolatuak izanik ere, zeinen garrantzitsua den eremu horretatik kanpo euskarak presentzia izan dezan beren bizitzetan.
