Oneka Marrazoa, Ene Kantak ikuskizuna Lekunberrin
Datorren urtarrilaren 2an, larunbatean, Oneka Marrazoaren ikuskizunak Lekunberri bisitatuko du. Eguerdiko 12:00etan hasiko da ikuskizuna eta sarrerak salgai izanen dira herriko kiroldegian eta kultur etxean 3 euroko prezioan.
Familiarentzako ikuskizun hau, ederra izatearekin batera, euskalgintzako eragileentzako lagungarri ere bada. Iazko ikuskizuna eta DVDaren diru irabaziak Euskalerria Irratiari laguntzeko erabili ziren. Aurten, ordea, irratigintzatik paperera egin du salto elkartasunak: Mailope aldizkaria (hemen Euskalerria irratian aldizkariaren ibilbideaz egin laburpena).
Euskara Zerbitzuok 25 urte.
Nafarroako toki entitateetako (udalak eta mankomunitateak batez ere) Euskara Zerbitzu askok 25 urte bete dituzte aurten. Egiari zor, Nafarroako Iparraldeko Euskara Mankomunitatea 1989an sortu zen, Agoitz-Aezkoa, Antsoain, Atarrabia, Bortziriak, Lizarra, Malerreka, Sakana, eta Uharteren urte berean. Eta, hain zuzen ere, horiek izan ziren urterik oparoenak, 1989 eta 1991ren artean 16 euskara zerbitzu sortu baitziren (gaur egun 26 dira).
Urteurrena ospatzeko, eta euskara zerbitzuen lana, azaletik bada ere, azaltzeko, bi panel sortu dira. Bertan ikus liteke, batetik, gaur egun euskara zerbitzuek Nafarroako zein esparru hartzen duten eta, bestetik, eskematikoki Zerbitzu hauek egiten duten lanaren alderik ikusgarriena.
Mailope Lasterka: bideoa
Mailope aldizkaria Araitz, Betelu, Larraun eta Lekunberriko etxe guztietan topatuko dugun hilabetekaria da. Tokiko aldizkari honek eskualdeko biztanleak informatu ditu azken mende laurdenean eta hilero 1.600 aleko argitaraldia dauka.
Hain zuzen ere, aurten, 25 urte bete dituen honetan, ospakizunetan aritu dira burubelarri. Kaka Plasta eta mus txapelketaren ondoren, joan da Mailope Lasterka ere. Larraunen hasi eta Araitzen amaitu, hogeita bost kilometroz aritu dira eskualdeko dozenaka euskaltzale lasterka.
Hemen duzue lasterketaren bideoa: https://youtu.be/nM7TO5Uz7UU
Ardoaren prozesua, Mintzakide
Larraunaldean eta Araitz-Betelun Mintzakide egitasmoa martxan dabil urritik eta, tokiko Euskara Batzordearekin elkarlanean, jarduera osagarriak antolatzen ditu hilabetero. Jarduera hauen helburu dugu euskaraz eroso mintzatzen diren pertsonak eta euskara hobetu nahi dutenak elkartzea, ezagutzea, eta une atseginak igarotzea. Hau da, harremanak euskaraz abiatzea euskararen erabilera aukerak handitzeko.
Abenduan ardoaren sortze prozesua ezagutuko dugu Asierrek kontatua, norberak bere kopa eramatea eskatzen da ardoa dastatu nahi izatekotan.
Lekunberriko Plazaola Geltokiko Aretoan, abenduak 17, osteguna, 18:30ean.
Mailope Lasterka: kartela
Mailope aldizkaria Araitz, Betelu, Larraun eta Lekunberriko etxe guztietan topatuko dugun hilabetekaria da. Tokiko aldizkari honek eskualdeko biztanleak informatu ditu azken mende laurdenean.
Hain zuzen ere, aurten, 25 urte bete dituen honetan, ospakizunetan dabiltza burubelarri. Kaka Plasta eta mus txapelketaren ondoren, hemen dugu Mailope Lasterka. Larraundik hasi eta Araitzen amaitu, hogeita bost kilometros arituko dira eskualdeko euskaltzaleak lasterka. Abenduaren 13an goizeko 11:00etan abiatuko da.
Euskararen Eguna. Bideoa egin dute Larraunaldean
Euskararen Nazioarteko Eguna dela eta, Larraunaldean, Larraun eta Lekunberrin, bideoa egin nahi izan dute. Bertan, bi mezu nagusi zabaldu dute. Batetik, egun berezi honen jatorria, bitxikeriak eta bestelakoak. Bestetik, euskararen inguruko aurreiritzi batzuen gaineko hausnarketak (euskara txikia, zaharra eta zaila omen).
Mailope Lasterka spota
Mailope aldizkaria Araitz, Betelu, Larraun eta Lekunberriko etxe guztietan topatuko dugun hilabetekaria da. Tokiko aldizkari honek eskualdeko biztanleak informatu ditu azken mende laurdenean.
Hain zuzen ere, aurten, 25 urte bete dituen honetan, ospakizunetan dabiltza burubelarri. Kaka Plasta eta mus txapelketaren ondoren, hemen dugu Mailope Lasterka. Larraundik hasi eta Araitzen amaitu, hogetia bost kilometros arituko dira eskualdeko euskaltzaleak lasterka. Abenduaren 13an goizeko 11:00etan abiatuko da.
Hemen duzue Mailope Lasterkaren spot-a: https://youtu.be/6cDJp2AfRlw
Azkenik, Mailope lagundu nahi baduzu, kilometro erdiak berrogeita hamar euroan eskura daitezke Lekunberriko kultur etxean edo Araizko udaletxean.
"Zergatik ez?" tailerra burutu da Araitz-Betelun
Joan den azaroaren 20an "Zergatik ez?" tailerra burutu zen Araizko Satorzulo elkartean. Bertan, 7 gaztek euskararen erabilera sozialari buruz hausnartzeko aukera izan zuten. Topaguneak eskainitako saio honetan Mikel Ozaita izan genuen gidari eta parte hartzaileen interesaren lekuko hemen dituzue egin zituzten zenbait balorazio:
Batetik, aipatu dute tailerraren bitartez euskararen eta honen testuinguruaren berri jaso dutela, mundu mailan zein norberaren egunerokoan ere: "Munduko hizkuntzen egoeraren berri eduki eta bai mundu mailan eta gure inguruan euskararena aztertu", "Euskera gehiago ezagutzea" edo "Egunerokoan eman daitezkeen egoera desberdinei buruz".
