Europako hizkuntza gutxituetako ordezkariek azaroaren 4ko manifestazioa babestu dute
ELEN sarean biltzen dira Europako hizkuntza gutxituetako 174 erakunde. Batzar Orokorrean, azken hilabeteotan Euskal Autonomia Erkidegoan izan den euskararen aurkako oldarraldia salatu dute. Aho batez babestu dute azaroaren 4an Bilbon egingo den manifestazioa.
ARGIA, 2023ko urriaren 09a
Bizi Mintzapoza
Mintzakide egitasmoa Nafarroako Iparraldeko Euskara Mankomunitatea osatzen duten bi eskualdeetan antolatzen da: Larraunaldean ( Araitz-Betelu-Larraun eta Lekunberri) eta Ultzamaldean ( Basaburua-Imotz-Odieta-Ultzama), eta dagoeneko zabalik da egitasmoan izena emateko tartea.
GAITU PROIEKTUA
Egitasmoaren xedea makinei euskaraz irakastea da, adimen artifizialak euskaraz egin dezan. Helburua da milaka ahots/hiztun lortzea, Common Voice-Gaitu webgunean (https://gaitu.eus/) esaldi jakin batzuk euskaraz esan eta grabatu ditzaten eta beste hiztun batzuek grabatutakoa ontzat eman dezaten. Horrela, ahots-sintesiaren teknologian diharduten enpresek euskarazko tresnak eta aplikazioak garatu ahal izango dituzte. Ekimen irekia da, irabazi-asmorik gabea eta kolaboratiboa.
Hala bada, interes orokorra duen ekimena da eta herritarren parte-hartzearen bidez baizik gauzatu ezin dena.
Abian da “Eta eskolatik kanpo, zer?” kanpaina
Irailarekin batera dator beti eskolara itzultzea ere, eta aldi berean eskola orduz kanpoko jarduerak antolatu beharra. Gure eskualdean familia gehienek oso barneratua dute haurrak euskaraz hezi nahi dituztela. Halere, komeni da oroitaraztea haurrek eskolan erne ematen duten urteko denboraren % 15 bakarrik pasatzen dutela. Hortaz, eskolan euskaraz ikasita ere, hortik kanpo hizkuntzak ahalik eta presentzia handiena izatea garrantzitsua da. Zenbat eta gehiago, orduan eta hobe.
Nafarroako Gobernuak, toki entitateek eta helduei euskara irakastearen alorreko gizarte eragileek ‘Euskara ahora' kanpaina aurkeztu dute
Helduen euskalduntzea sustatzeko ‘Euskera ahora’ kanpaina antolatu du 33 toki entitaterekin eta arloko hainbat eragilerekin batera: Zubiarte euskaltegi publikoarekin, hizkuntza eskola ofizialekin, eta gizarte ekimeneko AEK, IKA eta Bai&by euskaltegiekin. 5.000 pertsona helduk baino gehiagok euskara ikasten dute ekimen bateratu honi esker.
Ireki da epea Nafarroako bertso eskoletan izena emateko, 2023-2024 ikasturterako
2023/09/05
Irailaren 5etik 30era bitartean izango da aukera izena emateko, webgune honen bitartez. Haur zein helduentzako 35 talde eskainiko ditu Nafarroako Bertsozale Elkarteak, herrialdeko hainbat herri eta bailaratan. Urriaren 9ko astean abiatuko dira eskolak.
MATRIKULAZIO EPEA IREKITA ZUBIARTE EUSKALTEGI PUBLIKOAN
2023/2024 ikasturtean euskara-ikastaroetan izena emateko epea irekita dago abuztuaren 28tik irailaren 8ra arte
