GOIZUETAKO ETA ARANOKO EMAKUMEEN PARTE-HARTZEA AZTERTZEKO BEKA DEIALDIA
Leitza, Goizueta, Areso eta Aranoko Gizarte Zerbitzuen Mankomunitateak emakumeen parte hartzea aztertzeko beka deialdia egin du.
Bekaren helburua da Goizuetako eta Aranoko emakumeek XX. mendeko bigarren erditik gaur egun arte Goizueta eta Aranon parte-hartze arloan egin duten lanaren oroimena berreskuratzea, gizon-emakumeen berdintasunaren alde jardundakoei dagokien aitortza eginez.
Eskaera egiteko eta agiriak aurkezteko epea uztailaren 26an amaituko da. Gizarte Zerbitzuen Mankomunitateko bulegoan (Elbarren 1, Leitzan) edota 39/2015 Legeak, Prozedura Administratibo Orokorraren ingurukoak, bere 16.4 atalean jasotzen dituen prozeduren bidez aurkeztu ahalko dira.
Bekak 5 hilabetez izanen du balioa, esleitzen den egunetik aurrera.
Irabazleak 4.200 € jasoko ditu.
Euskal hiztunentzako "gune babestuak" eta kontratazio politika berriak eskatu ditu Behatokiak
Herritarren kexak jaso dituzte "Hizkuntza Eskubideak Euskal Herrian 2017an" txostenean.
Jon Orzaiz 2018ko ekainaren 5eko BERRIA
Hernanin dagoeneko 703 erronkalari egunero euskarari eusten
Jada 703 erronkalari daude Hernanin Euskara Ari Du kanpainarne barruan. Kopuru ederra, eta, elkarrekin gero eta jende gehiago bilduko dugu erronka hartzera, urtea bukatzeko oraindik asko falta da eta. Zorionak erronkalari guztioi hizkuntza-ohiturak aldatzeko apustuari heltzeagatik!
EUSKARA ARI DU @euskaraaridu 2018ko ekainaren 04a
2018ko udako tailerrak eta haur txokoa
Maiatzaren 25etik ekainaren 1era izanen da izena emateko epea Leitzako udako tailerretan eta haur txokoan.
Aitziber Lekuonak eta Kattalin Agirreurretak 30€ko txeke bana irabazi dute apirileko zozketan
Irakurri, Gozatu eta Oparitu ekimenean parte hartzeagatik jaso dituzte txekeak eskualdeko bi herritarrek.
Ez Dok Hiru antzezlana Leitzan, maiatzaren 12an, 19:00etan
Patxo Telleria eta Mikel Martinez aktoreen EZ DOK HIRU antzezlana izanen da LEITZAN, heldu den larunbatean, maiatzaren 12an.
"Ez dok hiru, euskal musikaren benetako istorioa" Euskal Herriko kantutegian oinarritutako antzerki ikuskizuna da, umorezkoa eta euskaraz, zuzeneko musikaz lagunduta.
Bikote artistiko honek urteak daramatza antzerkigintzan, obrak sortzen, ekoizten eta antzezten. Euskarari lotutako izenburu ezagunak taularatu izan dituzte: "Desentxufatuak", "Lingua nabajorum", "Euskarazetamol", "Larru haizetara". "Euskara sencilloaren manifestua"...
Leitzan azkenaldian ez da antzerkia ikusteko parada izan, beraz asteburuan euskarazko umoreaz gozatzeko modua izanen dute herritarrek. Horretarako sarrerak aldez aurretik hartzea gomendatzen da:
SARRERAK SALGAI: Maimur liburu-dendan, Torrea eta Peritza tabernetan.
Helduek 10€
14-18 urte bitartekoek 6€
Animatu!!
Errenta aitorpena euskaraz
Aurten ere errenta aitorpena euskaraz egiteko deia egin dute eskualdeko udalek. UEMAREkin elkarlanean lantzen duten kanpaina hau abiatua da dagoeneko eta apirilaren 22a izanen da errenta eta ondarea aitortzeko azkeneko eguna.
