Goizuetako Kultur Taldeak eta Euskara Mankomunitateko euskara zerbitzuak urtean behin argitaratzen dute Xapo aldizkaria. Euskara, kultura, Goizueta eta Goizuetako herrigintza lantzen ditu aldizkariak, eta herriko etxe guztietan banatzen da.
2013ko zenbakiak hainbat jakingarri jaso ditu, ohiko ataletan nahiz zenbaki honetarako bereziki sortutako lanetan. Aldizkaria webgune honetan bertan (www.iparmank.org) eskura daiteke, pdf formatuan, argitalpenak atalean.
