Facebook Twitter
Argazkiak
Itzulpenak
Ahozko ondarea

Albisteak

RSS
2020
ekainak
08

2020. urteko Etxepare saria

Nafarroako Udaletako euskara zerbitzuek urtero antolatzen dute Etxepare saria, 2004az geroztik. Hasieran literatur lehiaketa zena, hirugarren ediziotik aurrera album ilustratuen saria bihurtu zen, eta halaxe izan da geroztik.

Sariak ekarpen polita egin dio euskarazko album ilustratuen esparruari, eta kalitate handiko lan mordoska bat argitaratu da bultzada horri esker.

Urtero-urtero makina bat lan aurkezten da sari honetara, eta aurten ere, itxialdiak eta konfinamenduak gorabehera, aurkeztutako lan kopurua oso handia izan da. Guztira, izan ere, 35 lan aurkeztu baitira.

Lan horien guztien artean epai-mahaiak bat hautatu beharko du. Saria eman gabe gelditu ezean -eta orain arte ez da horrelakorik gertatu-,  huraxe izanen da Pamiela argitaletxeak argitaratuko duena, ohi bezala kalitate handiko edizio txukun batean. Saria irabazi duen lana zein den ekainaren bukaera aldera emanen da jakitera, eta albuma bera udazkenean argitaratuko da.

2020
maiatzak
28

UEMAk bertan behera utzi ditu udalerri euskaldunetako gazteen topaketak

 

UEMA 2020 maiatzak 18

Ekainaren 29tik uztailaren 5era egitekoak ziren, Zumaiatik Lekeitiora, baina COVID-19ak eragindako egoeraren ondorioz bertan behera geratuko dira aurten, ohiko moldean behintzat. Urte amaieran hezkuntza araututik kanpo gazteentzat beste zerbait eskaintzea aztertzen ari da UEMA.

2020
maiatzak
25

"Geroa euskaratik" kanpaina

Iturria: Kontseilua.eus

Gizarte berdinzale eta demokratikoagoa eraikitzeko, euskarak ere erdigunean egon behar duela eskatuko du Kontseiluaren ‘Geroa euskaratik’ kanpainak.

Euskalgintzako hainbat kidek hartuko dute parte, eta eragileek nahiz bestelako herritarrek mezuarekin bat egiteko aukera izango dute.

Etorkizunera begira erabakiak hartzeko unea da. Covid-19ak sortutako krisiak agerian utzi baitu gizarte honen hainbat hutsune, euskalgintzan nahiz bestelako gizarte esparruetan; herritarren arteko desberdinkeria eta zaurgarrienekiko bazterketa begi bistakoa izan baita. Normalitatea deitu izan duten hori ez zelako denona. Hizkuntza eskubideen etengabeko urraketek agerian utzi dute hori, esaterako. Horregatik, normalitate berri baterantz jotzeko abagunea dugu orain, elkartasunetik eta gizarteko talde desberdinen begirunetik. Baita hizkuntza auziei dagokionez ere.

...

2020
maiatzak
18

Xapo aldizkariaren 19. zenbakia kalean da

“Kalean”, jakina, esateko modu bat da, batez ere garai berezi honetan. Goizuetako etxeetan banatu da, dagoeneko, Xapo, aldizkaria. 28 orrialdeko aldizkaria izan ohi da. Aurtengoan, berriz, 32koa argitaratu da.

Ohi bezala, eta koronabirusaren krisi honek ez du hori galarazi, Goizuetari buruzko artikuluz, erreportajez, elkarrizketaz eta irudiz ederki hornituta etorri da XAPO aldizkaria. Goizuetan eta Goizuetarako egina, garai bateko eta gaurko jakingarriz osatua etorri da: burdinolak, gazteak eta sare sozialak, emakume taldea, eskolakoen lanak, herriko irudiak, bidaia-kronikak, atzera begira atala, bertsoak, elkarrizketa laburrak…

Aldizkari osoa, hemen: http://www.iparmank.eus/fitxategiak/dokumentuak/argitalpenak/xapo_19.pdf

2020
maiatzak
11

Eranafarroa:eus. Hamaika aukera, hamaika baliabide.

COVID-19ak gogor jo digun garai honetan, eta gauza askotarako ohiko bideak eta moldeak ezin erabiliz  gabiltzan honetan, eranafarroa.eus webgunea euskarazko aisialdirekin eta kulturarekin lotutako makina bat proposamen egiten ari da. Era guztietakoak: musika, jolasak, eskulanak, bideoak, ipuinak, antzezlanak, bertso-saioak...

0-12 urte bitarteko haurrei eta haien gurasoei zuzendutako webgunea da, eta proposamenak ere haientzat dira nagusiki. Konfinamendua hasi zenetik egunero proposamen zehatz bat egiten ari da, eta horien bildumak ere egin eta jaso ditu.

Eguneroko proposamen horiez gain, lehenago ere azaldu izan dugun moduan, euskarazko baliabide sorta ederra ere jaso du eranafarroa.eus-ek, era askotako baliabideak bilduz: musika, zinea eta marrazki bizidunak, app-ak, ipuinak eta literatura, jolasak...

 

2020
maiatzak
05

Leitzan, 2020ko Haur Txokoa eta Tailerrak, bertan behera

Euskara Mankomunitateak, Gizarte Zerbitzueen Mankomunitateak eta Leitzako Udalak zabaldu duten oharrak, honela dio:

COVID-19 pandemiak sortutako egoera dela-eta, 2020. urtean ez dira Haur Txokoa eta Tailerrak eginen. Antolatzaileok (Gizarte Zerbitzuen Mankomunitatea, Euskara Mankomunitatea eta Leitzako Udala) azkeneko aste eta egunotako berrien zain egon gara, datozen hilabeteetarako egoera ahalik eta informazio gehienarekin aurreikusteko, eta aukera guztiak aztertzeko.

...

2020
apirilak
23

Etxepare Sarirako lanak aurkezteko epea luzatu da

COVID-19 gaitzak eragindako egoeraren ondorioz, haurrentzako album ilustratuak sortzeko aurtengo Etxepare Sarian lanak aurkezteko epea luzatzea erabaki dute saria antolatzen duten Nafarroako 22 toki- entitatek: maiatzaren 22a arte zabaldu da epea.

Bestalde, ondoko e- posta erabili daiteke sariarekin zerikusia duen edozein argibide jaso nahi izanez gero: info@etxeparesaria.eus

 

2020
apirilak
23

LEITZAKETA 4.0

EGUNEKO EMAITZA ETA SAILKAPEN OROKORRA

http://www.iparmank.eus/euskara/argitalpenak/leitzaketa-40-emaitza

 

2020
apirilak
21

Etxealditik Euskaraldira

Etxean egon beharra suertatu den garai honetan, Euskaraldiak “Etxealditik Euskaraldira” izeneko ekimena jarri du abian. Nolabait esateko, 2020ko azaroaren 20tik abenduaren 3ra eginen den Euskaraldiaren bigarren ediziorako “beroketa eta entrenamendua”.

Izan ere, etxean egon beharra daukagun garai honetan, une egokia izan daiteke etxean egiten den euskararen erabileraz gogoeta egiteko eta, bide batez, euskaraz egiteko ohitura indartzeko eta sendotzeko. Eta, jakina, etxean gaztelaniaz egiteko ohitura duenak, ohitura hori euskararen alde aldatzeko.

Irakurtzen jarraitzeko, klikatu albistearen tituluan

2020
apirilak
16

Errenta aitorpena euskaraz egiteko kanpaina abiaraziko dute aurten ere UEMAk eta hainbat erakunde publikok, elkarlanean

Iturria: uema.eus

Aurrez aurreko hitzorduak bertan behera geratu baldin badira ere alarma egoeraren eta osasun larrialdiaren ondorioz, errenta euskaraz egiteko kanpainarekin aurrera egingo dute UEMAk, udalek eta hainbat erakunde publikok, herritarrek administrazioarekin dituzten harremanak euskaraz izan daitezen bultzatu nahian. Errenta euskaraz egiten duen herritarren kopurua gorantz ari den arren, errealitate soziolinguistikoak erakusten dituen datuetatik urrun dago oraindik.

Udalerriak

AGENDA

< Urtarrila 2022 >
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
 

IPARMANK 2.0

Facebook Twitter

2011 Iparmank :: Nafarroako Iparraldeko Mankomunitatea

Lege oharra | Irisgarritasuna | A | xhtml | CSS - iametza interaktiboak garatuta