Facebook Twitter
Argazkiak
Itzulpenak
Ahozko ondarea

Albisteak

RSS
2021
urtarrilak
19

Jijaua: Lagunarteko hizkera kolokiala sustatzeko gunea

Euskara kolokial estandarraren hutsunea betetzen laguntzera iritsi da JIJAUA: lagunarteko euskara batua.

www.elaide.eus

2021
urtarrilak
12

Haurrentzako album ilustratuak sortzeko 2021. urteko Etxepare Saria martxan da

Nafarroako Toki Entitateetako Euskara Zerbitzuak 2004. urtean hasi ziren Etxepare Saria antolatzen, haurrentzako album ilustratuak sortzeko helburuarekin. Saria 5.000 eurokoa izanen da eta saritutako lana Pamiela argitaletxeak argitaratuko du.

Lanak euskaraz idatziak, jatorrizkoak eta argitaratu gabeak izango dira eta banaka edo taldeka aurkeztu daitezke. Lanak aurkezteko azken eguna 2021eko maiatzaren 7a izanen da eta honako helbide honetara bidali beharko dira:

ETXEPARE SARIA

Leitzako udala- Euskara zerbitzua

Elbarren, 1

31880- Leitza ( Nafarroa)

 

Oinarriak ikusteko: www.etxeparesaria.eus

2020
azaroak
19

Euskarazko Produktuen KATALOGOA kalean da

Euskarazko Produktuen Katalogoaren edizio berria paperean eta interneten, haur eta gazteentzako milaka produkturekin. Web- orriak, katalogoa.eus, ia 11.000 produkturen erreferentziak jasotzen ditu eta paperean 70.000 ale kaleratu dira.

2020
uztailak
06

UEMAren Berripapera

UEMAk urtean bitan argitaratzen du bere Berripapera. Izenak dioen bezala paperean izaten da, baina, aurten, COVD-19aren pandemia dela-eta, ekaineko zenbakia soilik euskarri digitalean argitaratu du.

2020ko lehendabiziko zenbaki honetan  Bertatik Bertara kanpainaren berri eman du, UEMA online eskaintzen hasi den ikastaroak azaldu ditu, ETBn euskaraz aritzeko hizkuntza irizpideen inguruko argibideak jaso ditu, eta zenabit albiste ere ekarri ditu.

Egunotan jarri du Berripapera denon eskura UEMAk, eta hemen kontsultatu daiteke oso-osorik.

2020
ekainak
30

Sandra Garayoa eta Itziar Otegi egileek irabazi dute 2020ko Etxepare saria LORERIK GORRIENA albumarekin

Etxepare sariaren aurtengo edizioa izan da orain arteko arrakastatsuena eta emankorrena. Izan ere, 35 lan aurkeztu dira, inoiz baino gehiago.

Aurtengo irabazleak Sandra Garayoa eta Itziar Otegi izan dira, eta 5.000 euroko saria eskuratu dute. Sandra Garayoa donostiarra da, eta une honetan hainbat album ilustraturen proiektuetan murgilduta dabil. Itziar Otegi, berriz, oiartzuarra da, lanbidez itzultzailea eta interpretea. Hauxe izan da haurrentzat idatzi duen lehen ipuina.

Saria irabazi duen lanari dagokionez, Lorerik Gorriena du izenburu, eta gaur emandako prentsaurrekoan antolatzaileek adierazi duten moduan “Gutako bakoitzaren bizitzan Gertakari Handiek duten zama nabarmentzen digu, norberaren beldurrek, edo bertzeengandik jasotzen ditugunak, zenbateraino kateatzen gaituzten galdetuz. Ipuin tradizionalen ildotik, Txano Gorritxoren alaba dugu ardatz eta protagonista, eta berak erabaki beharko du etxean geratu edo oihanean barneratu, historia errepikatu edo berritu, eta, jakina, oihanean basapiztia ezaguna dauka zain, lerde jario…

Saritutako lana Pamiela argitaletxeak argitaratuko du 2020ko udazkenean.

2020
ekainak
29

Gure eskualdeko herriak biltzen dituen eskualdean, herritarren % 80tik gora euskalduna da

Nafarroako Gobernuak argitaratu berri duen Gizarte eta Bizi Baldintzen gaineko Inkestak dioenez, Baztan-Bidasoak eta Larraun-Leitzaldeak osatzen duten eskualdeko populazioaren % 80 baino gehiago euskalduna da. Lehendik egindako ikerketa soziolinguistikoek erakutsitako datua berretsi du, beraz, 2018an egindako ikerketa honek. Ezagutzaren inguruko datu horrek, eta erabilerari buruz eskura ditugun bestelako datuek ere, erakusten dute, hutsuneak hutsune, euskara dela bertako hizkuntza nagusia.

Nafarroako Gobernuak egunotan argitaratu eta zabaldu duen inkesta hori 2018an egin zen. Inkesta, berez, urtero egiten da, eta edizio bakoitzean gai jakin bat hautatzen da horren inguruko ezagutzan sakontzeko. 2018an, hain zuzen ere, Nafarroako gizartearen hizkuntzen ezagutza eta erabilera landu zen arreta, eta orain argitaratu dira datuak.

Nafarroako errealitate ezberdinak jasotzen ditu ikerketak, izan ere, oso aldakorra da egoera eskualde batzuetatik besteetara. Gure Mankomunitateko eskualde gehienak eta Baztan-Bidasoa ingurua biltzen dituen eskualdea da, hain zuzen ere, Nafarroako eremurik euskaldunena, bai ezagutzari eta bai erabilerari dagokionez.

Ikerketa bera eta bertan jasotzen diren datuak hemen kontsultatu daitezke.

2020
ekainak
15

Bertatik Bertara kanpaina, gure herria, gure hizkuntza eta gure produktuak aldarrikatzeko

Euskal Herriko 61 udalek, UEMArekin elkarlanean, Bertatik Bertara izeneko kanpaina antolatu eta gauzatuko dute aurtengo udan. Kanpainaren aldarrikapen edo mezu nagusia  “Gure herria, gure hizkuntza eta gure produktuak” izanen da, eta horren bitartez udalerri euskaldunek gordetzen duten aberastasuna ikusarazi nahi diete gure herrietara etorriko diren bisitariei.

Gure eskualdeari dagokionez, Araitz, Basaburua eta Goizueta dira kanpainarekin bat egitea erabaki duten Udalak.

Kanpainaren inguruko xehetasun eta argibide gehiago helbide honetan ikus daitezke.

2020
ekainak
08

2020. urteko Etxepare saria

Nafarroako Udaletako euskara zerbitzuek urtero antolatzen dute Etxepare saria, 2004az geroztik. Hasieran literatur lehiaketa zena, hirugarren ediziotik aurrera album ilustratuen saria bihurtu zen, eta halaxe izan da geroztik.

Sariak ekarpen polita egin dio euskarazko album ilustratuen esparruari, eta kalitate handiko lan mordoska bat argitaratu da bultzada horri esker.

Urtero-urtero makina bat lan aurkezten da sari honetara, eta aurten ere, itxialdiak eta konfinamenduak gorabehera, aurkeztutako lan kopurua oso handia izan da. Guztira, izan ere, 35 lan aurkeztu baitira.

Lan horien guztien artean epai-mahaiak bat hautatu beharko du. Saria eman gabe gelditu ezean -eta orain arte ez da horrelakorik gertatu-,  huraxe izanen da Pamiela argitaletxeak argitaratuko duena, ohi bezala kalitate handiko edizio txukun batean. Saria irabazi duen lana zein den ekainaren bukaera aldera emanen da jakitera, eta albuma bera udazkenean argitaratuko da.

2020
maiatzak
28

UEMAk bertan behera utzi ditu udalerri euskaldunetako gazteen topaketak

 

UEMA 2020 maiatzak 18

Ekainaren 29tik uztailaren 5era egitekoak ziren, Zumaiatik Lekeitiora, baina COVID-19ak eragindako egoeraren ondorioz bertan behera geratuko dira aurten, ohiko moldean behintzat. Urte amaieran hezkuntza araututik kanpo gazteentzat beste zerbait eskaintzea aztertzen ari da UEMA.

2020
maiatzak
25

"Geroa euskaratik" kanpaina

Iturria: Kontseilua.eus

Gizarte berdinzale eta demokratikoagoa eraikitzeko, euskarak ere erdigunean egon behar duela eskatuko du Kontseiluaren ‘Geroa euskaratik’ kanpainak.

Euskalgintzako hainbat kidek hartuko dute parte, eta eragileek nahiz bestelako herritarrek mezuarekin bat egiteko aukera izango dute.

Etorkizunera begira erabakiak hartzeko unea da. Covid-19ak sortutako krisiak agerian utzi baitu gizarte honen hainbat hutsune, euskalgintzan nahiz bestelako gizarte esparruetan; herritarren arteko desberdinkeria eta zaurgarrienekiko bazterketa begi bistakoa izan baita. Normalitatea deitu izan duten hori ez zelako denona. Hizkuntza eskubideen etengabeko urraketek agerian utzi dute hori, esaterako. Horregatik, normalitate berri baterantz jotzeko abagunea dugu orain, elkartasunetik eta gizarteko talde desberdinen begirunetik. Baita hizkuntza auziei dagokionez ere.

...

Udalerriak

AGENDA

< Urtarrila 2021 >
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

IPARMANK 2.0

Facebook Twitter

2011 Iparmank :: Nafarroako Iparraldeko Mankomunitatea

Lege oharra | Irisgarritasuna | A | xhtml | CSS - iametza interaktiboak garatuta